سلبيات وايجابيات كندا من تورونتو...من وجهـــة نظر لاجيء .....الجزء الأخير

الى كل اخواني واخواتي اللي مقدم على كندا الله يسهل امره ويوصل بخير وسلامة..
ملاحظة...
هنا الملابس غالية والاحذية و(البوت)وخاصة ملابس المحجبات تلكي مو ماتلكي لكن مو حلوة وقصيرة الاشياء غالبا...
نصيحة انه تشترون قبل ماتجون...
جماعة مصر شارع طلعت حرب هواي اشياء بيه زينة واكو الغالي والرخيص يعني البوت اللي تاخذه 500 جنيه هنا لاشي لان البوت الزين اللي اتريده وتكون بيه مواصفات يعدي 300 دولار ..احنا طبعا نصحونا لاتجيبون وياكم لكن غلطتنا كالو الاحذية هنا بيها مواصفات ضد البرد والمي وخاص بالثلج تصدكون يااخوان الجزمة اللي جانوا يلبسوها العمالة بالعراق هنا 75 دولاررررررررر..

جماعة عمان ميحتاج نكولكم انتو وسوريا لان الجو بارد هناك واكيد عندهم بوات خاصة للبرد وجوهم ......
حاولو تجيبون جاكيتات زينة ولفافات ثخينة وجفوف همينة لان اهنا تلاكي بس الردئ غالي نسبيا .........اليوم الجو بارد جدااااا

فود بنك=هو مكان يقدم اكل مساعدة شهرية من معلبات ورز وتمن ومعكرونة وبعض الاشياء اللي تساعد...
واكو فود بنك اسلامي كل ثلاث اشهر ينطي لحم حلال ودجاج وبعض الاشياء ايضا...

هذا نظامه تاخذ عقد الايجار وياك وشيك الراتب اشكد تاخذ وتسجل بيه....

اللي على الوليفر راتبه...اكو شغلة اليوم عرفت بيها انه اكو دفعة من المال 797 دولار هذه اللي يريد ينتقل من بيته مساعدة اله من الحكومة بس كل سنتين مرة واذا اتريد تاخذها وانت ممفكر بالانتقال اطلبها منهم وانطي اسباب انك محتاج اشياء ضرورية الك ملابس شتة بوت شتوي للثلج وبعض الاغراض المنزلية ........

موضوع الزواج...............

اعتقد هواية يهمه يعرف شلون الزواج وشنو الاوراق المطلوبة اذا كان الشخص خارج كندا...............

اولا= عقد الزواج=هواية شباب وشابات مخطوبين او اكو مشروع زواج اذا كان الشخص هنا رجل او امراة يروح الى المكان اللي موجود بيه الشخص اللي يريد يرتبط بيه (العراق سوريا عمان مصر تركيا اي مكان)ويعقد هناك يسوي حفلة صغيرة تكون حتى لو مقتصرة على المقربين من اهله بس ياخذ صور هواية وخاصة بلباس العرس (بدلة العرس يعني)(والقاط)هههههه...
يجيب نسخة وياه من العقد اول شي يسويه هنا يترجمه ويصدقها هنا الكل يعرف الجالية العربية ويكون الترجمة والتصديق لاي ورقة 20 دولار ...
ثانيا=اي رسائل على الايميل بينهم يجمعها ويطبعها ويحضرها خلي يسوي ملف بهالاشياء
ثالثا=اذا كانت اكو مكالمات تلفونية بينهم بس مو باستخام الكروت الدولية لان متظهر الرقم بيها مسجات على التلفون بينهم يروح لشركة الاتصالات اللي يتعامل وياهم ويسوي برنت لكل الاتصالات اللي صارت من اشهر بينهم...
رابعا=يكول حقيقة تعارفهم وشلون ادى الى الارتباط ..واذا عنده صور قبل الزواج الهم سوة فترة خطوبة خلي نكولها...
خامسا=الجالية العربية عندهم محامين ويساعدون بهذه الشغلات ودون تكاليف بس تكلفة رسوم الدولة اللي اعرفه انه من تورونتو1100 دولار بس اللي سمعته انه بفانكوفر 500 دولار الرسوم ...هذه المعاملة تسمى (السبونسر) يعني الكفيل تكفل الشخص اللي يجي هنا ..
سادسا=اوكي اذا انت صارلك جديد وواصل هنا وتاخذ راتب من الدولة بس ميكون (الوليفر)لان قبول الشخص وهو اصلا على الوليفر صعب وممكن الرفض بنسبة عالية لان هم يكولون احنا دنساعدك مالها داع ولانكدر نساعد شخص تكفله وتجيبه ...
اذا تريد لاتسجل على الوليفر اول ماتخلص السنة الاولى مالتك انتظر امشي بمعاملتك وبعدين سجل على الوليفر..سووها ناس اعرفهم...
المعاملة والوقت=من خارج كندا من ثمانية اشهر وشوي اكثر..
من داخل كندا سنة لان هو هنا وميحتاج لم شمل بسرعة بس لازم ميطلع الشخص ابد لان تسقط معاملته...
اكو ابلكيشن يمليه الشخص بيه كل المعلومات اللي ايريدون يثبتون بيها انه الزواج مو صوري ولغرض بس انه الشخص ايريد يوصل كندا...لا الزواج فعلي ...
هذا كله بالنسبة للشخص اللي ممزوج ابد ويريد يتزوج لاول مرة اما بالنسبة........
للمطلقين والمطلقات ...يجيب عقد الطلاق وياخذه الى محامي هنا في داخل كندا وياخذ منه ورقة انه هذا الطلاق يطابق قانون كندا يعني اله اسباب شرعية الطلاق لان ممكن ينرفض ايضا هذه الورقة اكو مكاتب محاماة تاخذ 500 دولار واكو محامي ياخذ250 دولار بس لازم يكون محامي اختصاص عائلة لان اي شي هنا يمشي كلمن باختصاصه.....
الارامل والارملات=شهادة الوفاة ومترجمة ومصدقة ايضا فقط

ارقام تلفونات ممكن تفيدك من توصل كندا _تورونتو.....

الجالية العربية وهي مقر لمساعدة المهاجرين واللاجئين وحتى اللي عنده فيزة زيارة وعندهم هواية اشخاص وبعدة لغات
4162317746

خدمة التكسي=4167515555

منظمة لمساعدة الالجئين والمهاجرين اللي صارلهم شي ببلدهم الام=4163631066

اتمنى اني مانسيت شي
بسمة امل
تورونتو